[ad_1]
Specialistët e Seksionit për Hetimin e Krimeve Ekonomike dhe Financiare, kanë vënë në pranga një shtetas me inicialet M.N., 58 vjeç, banues në Dhërmi, Vlorë.
Arrestimi i 58-vjeçarit ka ardhë si rezultat i një rasti të transmetuar në një emision investigativ, ku shtetasi shfaqej duke u premtuar qytetarëve sigurimin e letrave angleze, nëpërmjet martesave fiktive.
Prokuroria pranë Gjykatës së Shkallës së Parë të Juridiksionit të Përgjithshëm Tiranë, po vijon me veprimet e mëtejshme.
Njoftimi i Policisë:
Tiranë
Në lidhje me një rast të transmetuar në emisionin investigativ “Stop”, që bën fjalë për një shtetas, i cili kishte përvetësuar shuma parash me anë të mashtrimit, duke i premtuar një personi sigurimin e letrave angleze, me anë të një martese fiktive, ju bëjmë me dije se:
Specialistët e Seksionit për Hetimin e Krimeve Ekonomike dhe Financiare, në bashkëpunim me Sektorin e Forcës së Posaçme Operacionale të DVP Tiranë, pas publikimit të rastit, organizuan punën për kapjen dhe vënien përpara përgjegjësisë penale të shtetasit në fjalë.
Në vijim të veprimeve, specialistët e Seksionit për Hetimin e Krimeve Ekonomike dhe Financiare të DVP Tiranë ndaluan shtetasin M. N., 58 vjeç, banues në Dhërmi, Vlorë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Drejtoria Vendore e Policisë Tiranë falënderon emisionin investigativ “Stop”, mediat dhe qytetarët që denoncojnë rastet e paligjshmërisë dhe i fton sërish ata që të denoncojnë çdo rast paligjshmërie, në numrin 112, duke iu garantuar anonimat të plotë dhe reagim të menjëhershëm e të paanshëm.
[ad_2]
Source link